Mondra volveu demostrar no Revenidas 2025 por que a súa proposta non pasa desapercibida. No escenario Galicia, o seu concerto foi unha mestura de música, corpo e presenza escénica que atrapa dende o primeiro momento. A súa forma de entender o directo vai máis alá das cancións: todo comunica, todo suma.
Mención especial para Sabela, que consegue exteriorizar a música a través do movemento, facendo que o concerto tamén se viva a nivel visual. Mondra ten esa capacidade de chamar a atención sen necesidade de artificios, cunha proposta persoal, diferente e cada vez máis sólida dentro do panorama galego.
