O concerto de Loita Amada na X edición do Presume do Galego! foi un dos momentos máis potentes da xornada na sala Pub Gatos de Melide. A banda, liderada por Pablo Carracedo “Jásper”, chega cunha proposta que mestura rock, canción protesta e mensaxe directa, conectando música e compromiso dende a primeira nota.
Este espectáculo formou parte dun festival promovido polo IES de Melide, no que a música en galego se celebra non só como arte senón tamén como ferramenta de expresión, identidade e comunidade. O concerto en Melide foi unha oportunidade para escoitar pezas que reflexan as inquietudes sociais e culturais actuais, cun son intenso e enérxico que non deixou indiferente a ninguén.
